जातीय छुवाछुत गरेको आरोपमा कालिकोटमा अहेब पक्राउ

वीरेन्द्रनगर । जातीय छुवाछुत तथा भेदभाव गरेको अरोपमा अहेब पक्राउ परेका छन् । मंगलबार कालिकोटको स्वास्थ्य चौकी मुम्रामा कार्यरत अहेब २८ वर्षीय तपेन्द्र बुढालाई प्रहरीले पक्राउ गरेको हो ।

उनी सान्नित्रिवेणी गाउँपािलका–८ निवासी हुन् । सोही गाउँपालिका–९ का वडाध्यक्ष नरपति तिरुवालाई २७ फागुनमा जातीय विभेद हुने शब्द बोल्दै गाली गरेको आरोपमा पीडित तिरुवाले सोमबार जिल्ला प्रहरी कार्यालय कालिकोटमा उजुरी दिएका थिए ।

तिरुवाको उजुरीपछि मंगलबार प्रहरीले घटनाको अनुसन्धानका लागि पक्राउ गरेर उनलाई प्रहरी हिरासतमा राखेको छ ।

जनप्रतिनिधि माथि नै जातीय विभेद भएको भन्ने पीडितबाट उजुरी आएपछि अनुसन्धानको लागि आरोपितको घरबाटै गिरफ्तार गरिएको कालिकोटका निमित्त प्रहरी प्रमुख इन्सपेक्टर पोषण थापाले जानकारी गराएका छन् ।

यता आरोपित बुढाले आफूले जातीय विभेद नगरेको प्रतिक्रिया दिएका छन् ।