सबै नागरिकलाई कोभिड-१९ विरुद्धको खोप लगाउन राष्ट्रपतिको ध्यानाकर्षण

जुम्ला – राष्ट्रपति विद्यादेवी भण्डारीले सबै नागरिकलाई कोभिड-१९ विरुद्धको खोप लगाउन सम्बन्धित निकायको ध्यानाकर्षण गरेकी छन् । कर्णाली प्रदेशको बहुप्रतिक्षित शैक्षिक कार्यक्रम एमबीबीएस पढाइको औपचारिक शुभारम्भ गर्न जुम्ला आएको बेला उनले यस्तो ध्यानाकर्षण गरेकी हुन् ।

‘लामो समयदेखि नागरिक कोभिड-१९ संक्रमणबाट आक्रान्त छन्,’ उनले भनिन्, ‘अहिले नेपालमा तेस्रो भेरियन्ट एमोक्रोम पनि देखिएकोले यसबाट नागरिकलाई बच्न आग्रह गर्दछु ।’

जुम्लामा १८ वर्षमाथिका ६७ प्रतिशत नागरिक रहेका छन् । जनस्वास्थ्य कार्यालय जुम्लाको तथ्यांकअनुसार १८ वर्ष माथिका ६७ प्रतिशत नागरिकमध्ये ३० प्रतिशतलाई मात्रै कोभिड विरुद्धको खोप लगाइएको छ । १८ वर्षमुनिका कुनै पनि नागरिकलाई कोभिड विरुद्धको खोप लगाइएको छैन ।