स्वास्थ्य मन्त्रालयको नीति, योजना तथा अनुगमन महाशाखा प्रमुखमा डा. चुमनलाल दास

काठमाडौं —स्वास्थ्य तथा जनसंख्या मन्त्रालयको नीति, योजना तथा अनुगमन महाशाखा प्रमुखको जिम्मेवारी डा. चुमनलाल दासले पाएका छन् । ४ माघमा स्वास्थ्य तथा जनसंख्यामन्त्री डा. सुधा गौतमले मन्त्रीस्तरीय निर्णय गर्दै डा. दासलाई नीति, योजना तथा अनुगमन महाशाखाको जिम्मेवारी दिएकी हुन् ।

डा. दास यसअघि मन्त्रालयमा फाजिलमा थिए । त्यसअघि उनी नारायणी अस्पतालको मेडिकल सुपरिटेन्डेन्ट रहेका थिए ।

डा. दास प्रमुख हुनुअघि  नीति, योजना तथा अनुगमन महाशाखा प्रमुख डा. कृष्ण पौडेल थिए । डा. पौडेललाई  स्वास्थ्य बीमा बोर्डको कार्यकारी निर्देशकको जिम्मेवारी दिइएको छ ।