न्याम्सका पूर्व रजिष्ट्रार डा. सिंहको निधन

काठमाडौं—चिकित्सा विज्ञान राष्ट्रिय प्रतिष्ठान (न्याम्स)का पूर्व रजिष्ट्रार डा. रंजन सिंहको निधन भएको छ । शुक्रबार डा. सिंहको निधन भएको नेपाल चिकित्सक संघ (एनएमए)का महासचिव सन्जिव तिवारीले जानकारी दिए ।

नेपाल रेडक्रस सोसाइटीको ब्लड बैकका पूर्व निर्देशक समेत रहेका डा. सिंह वरिष्ठ चिकित्सक हुन् । संघका आजीवन सदस्य डा. सिंहको निधनबाट एनएमएले स्तब्ध भएको जनाएको छ ।

चिकित्सा विज्ञान राष्ट्रिय प्रतिष्ठानको रजिष्ट्रार तथा नेपाल रेडक्रस सोसाइटी ब्लड बैंकका पूर्व निर्देशकसमेत रहनुभएका इमान्दार, लगनशील र वरिष्ठ चिकित्सकलाई गुमाउन पुगेकोमा नेपाल चिकित्सक संघ परिवार अत्यन्तै मर्माहित भएको छ,’ एनएमएको विज्ञप्तीमा छ ।