स्वास्थ्य मन्त्रालयलाई हर्क साङपाङको पत्र— कुलङ्घारले जग्गा दिइ पठाएछ, प्लीज फिर्ता गरिदिनुहोला

काठमाडौं—स्वास्थ्य तथा जनसंख्या मन्त्रालयलाई धरान उपमहानगरपालिकाका मेयर हर्क साङपाङले जग्गा फिर्ता गरिदिन आग्रह गर्दै पत्र लेखेका छन् । बिहीबार स्वास्थ्य मन्त्रालयलाई लेखेको पत्रमा उनले पुरानो अस्पतालको जग्गा विपी लिएको भन्दैं फिर्ता माग गरेका छन् ।

उनले अमर्यादित शैलीमा लेखेको पत्रमा भनेका छन्, ‘धरान उपमहानगरपालिकाले आफ्नै अस्पताल बनाउन चाहेको छ । छाता चोकमा रहेको पुरानो अस्पतालको जग्गा कुन चाहिँ कुलङ्घारले दलालीमा भुलेर विपी अस्पताललाई दिइ पठाएछ थाहा भएन यसरी नगरपालिकाको जग्गा लान पाइँदैंन । प्लीज फिर्ता गरिदिनु होला ।’

पत्रमा उनले कुलङ्घार, दलालीजस्ता शब्द प्रयोग गरेका छन् ।