८६७ ग्राम यार्सागुम्बासहित ४ जना पक्राउ

काठमाडौैं– ८ सय ६७ ग्राम यार्सागुम्बासहित ४ जनालाई प्रहरीले पक्राउ गरेको छ । महानगरिय प्रहरी वृत्त बौद्धबाट खटिएको प्रहरी टोलीले गोप्य सुचनाको आधारमा जोरपाटीबाट ८ सय ६७ ग्रामसहित ४ जनालाई शनिबार दिउँसो पक्राउ गरेको हो ।

पक्राउ पर्नेमा सिन्धुलीका बिशाल परियार, रामेछापका सुनिल तामाङ, सुर्खेतका शेरबहादुर थापा, संखुवासभाका हिमाल गुरुङ रहेका छन् । उनीहरुसँग यार्सागुम्बाको कारोबार तथा खरीद बिक्री गर्ने कुनैपनि कागजात नभएकाले निजहरुलाई जरुरी पक्राउ पुर्जी दिई पक्राउ गरी आवश्यक अनुसन्धानका लागि डिभिजन बन कार्यालय हात्तिसार नक्सालमा पठाइएको महानगरिय प्रहरी परिसर काठमाडौंको प्रवक्ता डिएसपी प्रमेश विष्टले जानकारी दिए ।