नर्भिक अन्तर्राष्ट्रिय अस्पतालमा मिर्गौला प्रत्यारोपण सेवा सुरु

काठमाडौं—नर्भिक इन्टरनेशनल हस्पिटलले मिर्गौला प्रत्यारोपण सेवा सुरु गरेको छ । सोमबार पत्रकार सम्मेलनमार्फत नर्भिकले मिर्गौला प्रत्यारोपण सेवा सुरु गरेको जानकारी दिएको हो ।

विगत ३० वर्षदेखि स्वास्थ्य सेवा सेवा प्रदान गर्दै आएको नर्भिक अस्पतालले २ व्यक्तिको सफल मिर्गौला प्रत्यारोपण गरेको जानकारीसमेत दिएको छ ।

नर्भिकले मिर्गौला फेल भई उपचार गराइरहेका ६६ र ५४ वर्षीय दुई पुरुषको सफलतापूर्वक मिर्गौला प्रत्यारोपण गरिएको जनाएको हो । मिर्गौला फेल भई उपचार गराइरहेका ६६ वर्षीय पुरुषलाई उनकी ५५ वर्षीया पत्नीले मिर्गौला दिएकी थिइन् भने ५४ वर्षीय अर्का पुरुषमा उनकी ३० वर्षीया छोरीले दिएको मिर्गौलाको दिएकी थिइन् ।

वरिष्ठ चिकित्सक डा. राकेश बर्मा र डा. आर. के. अग्रवालको नेतृत्वमा नर्भिकमा मिर्गौला प्रत्यारोपण सेवा सुरु भएको हो।

नर्भिक अन्तर्राष्ट्रिय अस्पतालले कलेजो प्रत्यारोपणको सेवा सुरु गर्नका लागि अनुमति प्रक्रिया थालेको पनि जानकारी गराएको छ ।