कर्णाली प्रदेशमा ५२ विशेषज्ञसहित ७३ जना चिकित्सक र ४४ जना नर्स माग

काठमाडौं—कर्णाली प्रदेशको सामाजिक विकास मन्त्रालयले ठूलो संख्यामा चिकित्सक, नर्ससहितका स्वास्थ्यकर्मी माग गरेको छ । मंगलबार एक सूचना प्रकाशित गर्दै सामाजिक विकास मन्त्रालयले कर्णाली प्रदेशका अस्पताल र स्वास्थ्य कार्यलयमा खटाउने गरी १ सय ५० जना स्वास्थ्यकर्मी माग गरेको हो ।

सामाजिक विकास मन्त्रालय करार सेवामा लिन लागेका उक्त जनशक्तिमा ५२ विभिन्न विद्याका नवौं तहका कन्सल्ट्यान्ट चिकित्सकका लागि आवेदन माग गरिएको छ । यस्तै, आठौ तहका मेडिकल अधिकृत २० जना र डेन्टल सर्जन १ जनाका लागि मन्त्रालयले आवेदन माग गरेको छ ।

नवाैं तहका २ जना नर्सिङ प्रशासक,  नर्सिङ अधिकृत ४ जनासहित १६ जना सातौ तहका स्वासथ्यकर्मीका लागि आवेदन माग गरिएको छ । यस्तै, ३८ स्टाफ नर्ससहित पाँचौ तहका ५० जना स्वास्थ्यकर्मी माग गरिएको छ भने ९ जना चौथो तहका स्वास्थ्यकर्मीका लागि विज्ञापन आव्हान गरिएको छ ।

विज्ञापन हेर्न क्लिक गर्नुहोस