चिकित्सकको तलब व्यवहारिक भएनः नेपाल चिकित्सक संघ

काठमाडौं–सरकारले घोषणा गरेको नयाँ तलबमानमा नेपाल चिकित्सक संघले असन्तुष्टि जनाएको छ । संघले बुधबार प्रेस विज्ञप्ति जारी गर्दै सरकारले तोकेको नयाँ तलबका विषयमा सरकारको ध्यानाकर्षण गराउँदै ब्यवहारिक नभएको दाबी गरेको छ ।

प्लस टु अध्ययनपश्चात् ५ वर्ष एमबिबिएस अध्ययन गरेका चिकित्सकहरुको तलबमान र एसएलसी अध्ययन पश्चात् सेवा प्रवेश गर्ने प्राथमिक तृतीय श्रेणीको शिक्षकको तलब बराबर हैसियतमा विनियोजन गरिको भन्दै संघले असन्तुष्टि जनाएको हो ।

यस विषयलाई मनन गरी अभिलम्ब उक्त तलबमान सच्याउन पनि संघले सरोकारवाला निकायसँग माग गरेको छ ।

सरकारले साउन १ गतेदेखि लागु हुने गरी केहि दिनअघि मात्र चिकित्सकलगायत सरकारी कर्मचारीहरुको नयाँ तलबमान सार्वजनिक गरेको थियो ।