वरिष्ठ मुटुरोग विशेषज्ञ डा. उदयको ६६ वर्षको उमेरमा निधन

काठमाडौं—वरिष्ठ मुटु रोग विशेषज्ञ डा. उदयकुमार श्रेष्ठको निधन भएको छ । १२ कात्तिकमा ६६ वर्षको उमेरमा डा. श्रेष्ठको थापाथलीस्थित नर्भिक अस्पतालमा उपचारका क्रममा निधन भएको हो ।

नर्भिक अस्पतालका कर्पोरेट कम्युनिकेसन एण्ड पिआर प्रमुख सोमनाथ बाँस्तोकाअनुसार मिर्गौला फेल र पेट सम्बन्धी रोगका कारण डा. श्रेष्ठको निधन भएको हो ।

नेपाल चिकित्सक संघका महासचिव डा. बद्री रिजालले इमान्दार, लगनशील र प्रतिष्ठित बरिष्ठ मुटु रोग विशेषज्ञ गुमाएको बताएका छन् । डा. श्रेष्ठ नेपाल चिकित्सक संघका आजीवन सदस्य समेत हुन् ।

स्व. डा. श्रेष्ठले नेपालको चिकित्सा शिक्षा र स्वास्थ्य सेवामा पु¥याएको योगदानको पनि डा. रिजालले स्मरण गरेका छन् ।

उनी पछिल्लो समय जावलाखेलस्थित अल्का अस्पतालमा सेवारत थिए ।