कर्णालीमा एमबीबीएसको काउन्सिलिङ सुरु, २६ गते राष्ट्रपति भण्डारीले शुभारम्भ गर्ने

काठमाडौँ – कर्णाली स्वास्थ्य विज्ञान प्रतिष्ठान शिक्षण अस्पतालमा एमबीबीएस पढाइको काउन्सिलिङ सुरु भएको छ। प्रतिष्ठानका रजिष्ट्रार निपेन्द्र महतकाअनुसार आइतबारबाट एमबिबिएसको काउन्सिलिङ सुरु भएको हो।

२६ गते राष्ट्रपति विद्या भण्डारी प्रतिष्ठान पुगेर औपचारिकरुपमा एमबिबिएस अध्ययनको शुभारम्भ गर्ने भएकी छिन्। राष्ट्रपति भण्डारीले कर्णालीको ड्रिम प्रोजेक्टका रुपमा रहेको बहुवर्षीय आयोजनाको शिलान्यास समेत गर्ने रजिष्ट्रार  महतले जानकारी दिए।

शुभारम्भ कार्यक्रममा शिक्षामन्त्री देवेन्द्र पौडेल र स्वास्थ्यमन्त्री विरोध खतिवडा पनि सहभागी हुने बताइएको छ। एमबिबिएस कोटामा २० सिट अध्यापन अनुमति  पाएको छ।

जुम्ला जस्तो उच्च हिमाली तथा विकट क्षेत्रमा चिकित्सा अध्ययन हुन लागेको यो पहिलोपटक भएकोले यसलाई निकै महत्वका साथ हेरिएको छ।