काठमाडौं–दक्षिण पूर्वी एसियाका स्वास्थ्य अनुसन्धानका निकायहरुको बैठक सम्पन्न भएको छ । भारत सरकारको स्वास्थ्य विभागअन्तर्गतको प्रमुख निकाय भारतीय आयुर्विज्ञान अनुसन्धान परिषदको आयोजनामा भएको सो बैठक सम्पन्न भएको हो ।
बैठकले आगामी दिनमा एन्टिमाइक्रोबियल रेजिस्टेन्ट विरुद्ध काम गर्ने, नसर्ने रोगको मुख्य कारकहरु सम्बन्धि सर्वेक्षण गर्ने, जनसंख्यामा आधारित क्यान्सर अभिलेख स्थापना गर्ने र वान हेल्थ पोलिसीलाई प्रथमिकतामा दिएर काम गर्ने प्रमुख एजेण्डा पास गरेको नेपाल स्वास्थ्य अनुसन्धान परिषदका सदस्य सचिव डा. प्रमोद जोशीले जानकारी दिए ।
सरकारका स्वास्थ्य अनुसन्धान गर्ने निकायहरुको यो बैठकमा नेपालको तर्फबाट नेपाली जनतालाई आवश्यक सम्बोधन गर्ने सहकार्यात्मक अनुसन्धानलाई अगाडि बढाउन प्रतिबद्धतासमेत जनाइएको छ । ‘हामीले हाम्रो आवश्यकताअनुसार प्रत्यक्ष सम्बोधन गर्ने सहकार्यात्मक अनुसन्धानमलाई अगाडि बढाउन प्रतिबद्धता व्यक्त गरेका छौ,’ सदस्य सचिव डा जोशीले भने, ‘यसले यस क्षेत्रको साझा एजेण्डा र ती एजेण्डामा अध्ययन गर्नका लागि बाटो खोल्छ ।’
त्यसैगरी, बैठकमा डेगीं सम्बन्धि अनुसन्धान, स्वास्थ्य प्रविधि नवप्रवर्द्धन, आयुर्वेद र परम्परागत औषधि, वातावरणीय स्वास्थ्यलगायतका विषयमा छलफल भएको थियो ।
बैठकमा नेपालको तर्फबाट परिषद्का अध्यक्ष प्रा.डा. नारायण विक्रम थापा, उपाध्यक्ष प्रा.डा. अजित रायामाझी, सदस्यसचिव डा. प्रमोद जोशी, पूर्व अध्यक्ष प्रा.डा. गेहनाथ बराल, सदस्य प्रा.डा. आरती शाह र इथिकल विभाग प्रमुख नमिता घिमिरेको सहभागिता रहेको थियो ।
