कोभिड १९ : बेलायतमा ३० हजार भन्दा बढी संक्रमितको मृत्यु

इटालीलाई उछिन्दै कोभिड-१९ संक्रमणबाट सबैभन्दा बढी ज्यान गुमाउने देश बेलायत बनेको छ। युरोपमा बेलायत पहिलो देश हो जहाँ ३० हजार भन्दा बढीले कोभिड संक्रमणबाट ज्यान गुमाएका छन्। मंगलबारसम्म ३० हजार ७६ जना संक्रमितले ज्यान गुमाएको बीबीसीले जनाएको छ।

बीबीसीको अनुसार संक्रमितको संख्या बेलायतको भन्दा इटालीमा बढी भए पनि सबैभन्दा बढी मृत्यु बेलायतमा भएको छ। हालसम्म बेलायतले भन्दा बढी परीक्षण इटालीले गरेको छ।

पछिल्लो तथ्यांक अनुसार इटालीमा कोरोनाबाट दुई लाख १३ हजार १३मा कोरोना पुष्टी भएको छ जसमध्ये २९ हजार तीन सय १५ संक्रमितको मृत्यु भएको हो।

-एजेन्सी