मण्डिखाटारमा क्लिनिक वानको स्वास्थ्य शिविरमा २१६ जनाको स्वास्थ्य परीक्षण

काठमाडौं—मण्डिखाटारस्थित क्लिनिक वानमा थाइराइड डेको अवसर पारेर गरिएको निःशुल्क स्वास्थ्य शिविरमा २ सय १६ जनाले सेवा लिएका छन् । शनिबार भएको शिविरमा २१६ जनाको थाइराइड परीक्षण गरिएको थियो ।

क्लिनिक वानका प्रबन्ध निर्देशक सन्तोष पौडेलकाअनुसार निःशुल्क थाइराइड परीक्षण गरिएको थियो ।

साथै, क्लिनिक वानले बिरामीहरुलाई खानाका बारेमा समेत परामर्श दिएको थियो । सो अवसरमा खाना सम्बन्धि शो पनि गरिएको उनले जानकारी दिए ।

अन्तर्राष्ट्रिय गुणस्तरको क्लिनिक सेवा दिदैं आएको क्लिनिक वानले निःशुल्क स्वास्थ्य शिविरहरु संचालन गर्दै आएको छ । क्लिनिक वानको मुख्य क्लिनिक जावलाखेलमा छ भने भक्तपुरको सुर्यविनायकमा पनि क्लिनिकको शाखा रहेको छ ।