निम्स ग्रुपको चौथो शाखा नयाँ बानेश्वरमा

काठमाडौं— निम्स ग्रुपले आफ्नो स्वास्थ्य सेवा विस्तार गर्दै नयाँ बानेश्वरमा चौथो शाखा खोलेको छ। वरिष्ठ स्त्रीरोग विशेषज्ञ डा. देवी गुरुङ र प्राध्यापक डा. सुशीलकुमार शाक्यले संयुक्त रूपमा नयाँ शाखाको उद्घाटन गरेका हुन् ।

निम्स ग्रुपको मुख्य कार्यालय थापाथली काठमाडौंमा अवस्थित छ। नयाँ बानेश्वर शाखाले फार्मेसी सेवा प्रदान गर्नेछ। मुख्य कार्यालयले प्याथोलोजी, फार्मेसी, दन्त सेवा, र ओपीडी सेवा प्रदान गर्दछ।

मुख्य कार्यालयमा स्त्रीरोग विशेषज्ञ डा. गुरुङ र जनरल फिजिसियन डा. शाक्यले आफ्नो विशेषज्ञता प्रदान गर्छन भने थापाथलीमा दन्त विभागले उत्कृष्ट सेवा प्रदान गरिरहेको छ। निम्स ग्रुपका शाखाहरू ललितपुरको ग्वार्को, महाराजगंज र महाबौद्ध, काठमाडौंमा पनि छन्।

निम्स ग्रुपका अध्यक्ष श्रीराम ढकालका अनुसार बानेश्वर शाखाले विशेष गरी फार्मेसी सेवा प्रदान गर्नेछ। साथै, मिर्गौला प्रत्यारोपण बिरामीहरू र कलेजो प्रत्यारोपण बिरामीहरूले दैनिक प्रयोग हुने औषधि छुटमा प्राप्त गर्नेछन्। यो विस्तारले नयाँ बानेश्वर र वरपरका क्षेत्रका बासिन्दाहरूलाई पहुँचयोग्य र गुणस्तरीय स्वास्थ्य सेवा प्रदान गर्ने उद्देश्य राखेको निम्सले जनाएको छ ।