भीम अस्पतालको मेसुमा डा. वर्षा थापा नियुक्त

काठमाडौं—भैरहवास्थित भीम अस्पतालको मेडिकल सुपरिटेन्डेन्ट (मेसु)मा डा. वर्षा थापा नियुक्त भएकी छन् । सोमबार लुम्बिनी प्रदेश सरकारले डा. थापालाई भीम अस्पतालको मेसुमा नियुक्त गरेको हो ।

११ औं तहका थापा लुम्बिनी प्रादेशिक अस्पतालको डेन्टल विभाग प्रमुख थिइन् । डा. थापा मेसुमा नियुक्त भएसँगै यसअघि मेसु रहेकी डा. शकुन्तला गुप्ताको लुम्बिनी प्रादेशिक अस्पतालमा काज फिर्ता भएको छ ।

डा. थापा वि.सं. २०७५ साउनमा ९ औं तहमा सरकारी सेवामा प्रवेश गरेकी हुन् । उनले वि.सं. २०७७ भदौंमा एघारौं तहमा नाम निकालेकी थिइन् ।

वि.सं. २०४० असारमा रुपन्देहीको सिद्धार्थनगरमा जन्मिएकी डा. थापाले भैरहवास्थित भैरहवास्थित युनिभर्सल कलेज अफ मेडिकल साइन्सेजबाट बिडिएस गरेकी हुन् ।

सन् २०१४ मा उनले चीनबाट अर्थोडेन्टीष्टमा माष्टर्स सकिन् । माष्टर्सपछि सकेर नेपाल फर्केपछि डा. वर्षाले खुल्लातर्फ लोक सेवा पास गरिन् । सुरुमा नवौं तहबाट सरकारी सेवामा अग्रसर भएकी उनी पछि ११ औं तहमा नाम निकालिन् ।