काठमाडौं—एशोसिएसन अफ प्राइभेट मेडिकल एण्ड डेन्टल कलेज अफ नेपालका अध्यक्ष प्रा.डा. ज्ञानेन्द्र मान सिंह कार्कीले निजी मेडिकल कलेजलाई गैरनाफामूलक बनाउने कार्य असम्भव भएको बताएका छन् । गत शुक्रबार हेल्थआवाज डटकमको प्रस्तुति ‘स्वास्थ्यका कुरा’ पोष्डकाष्टमा लामो कुराकानीमा गर्दै उनले निजी मेडिकल कलेजहरुलाई गैरनाफामूलक बनाउने कुरा कानुनी राज्य भएको देशमा असम्भव भएको बताए ।
निजी मेडिकल कलेजलाई गैरनाफामूलक बनाउने मार्गचित्र बनाउन कार्यदल गठन भएको सम्बन्धि हेल्थआवाजको प्रश्नमा गैरनाफामूलक बनाउन कहिल्यै सम्भव नरहेको बताए । ‘सिधा अर्थ भन्नुहुन्छ भने न हिजो सम्भव थियो, न आज हुन्छ न भोलि रहन्छ,’ डा. कार्कीले भने ।
प्रा.डा. कार्कीले प्रजातन्त्रमा आफूहरुको सम्पत्तिको सुरक्षा राज्यले गर्नुपर्ने बताए । ‘प्रजातन्त्रमा मेरो सम्पत्तिको सुरक्षाको ग्यारेण्टी पनि राज्यले लिन्छ, विशेष परिस्थितीबाहेक कुनै सम्पत्तिलाई अन्याथा गर्न पाउनुहुन्छ,’ उनले भने, ‘हामीले केही कालखण्डपछि यो कुरा मिल्दैं जान्छ भन्ने सोच्यौं तर समय छोटिदैं गयो । यसमा पटक—पटक आग्रह गर्दा छलफल गर्नुभएन, एकलौटीमा रुपमा आफ्ना कुरा थोपर्नु हुन्छ ।’
प्रा.डा. कार्कीले अहिलेका डायनामिक प्रधानमन्त्री बालेन्द्र शाहलाई सल्लाहकारहरुले उल्टो सल्लाह दिएको आरोप लगाए । ‘मैले उहाँ (प्रधानमन्त्री)सँग दुई चार पटक भेटेर कुरा गर्ने अवसर पाए उहाँ एकदमै पोजेटिभ हुनुहुन्छ,’ उनले भने, ‘उहाँको शिक्षा प्रणालीमा गहिरो रुचि छ । उहाँमा देशप्रति प्रेम छ ।’
चिकित्सा शिक्षामा प्राइभेट सेक्टरको झण्डै १ खर्ब लगानी भइसकेको उनको भनाइ छ । धनगढीमा गएर प्रा.डा. गोविन्द केसीलाई खुसी बनाउनका लागि रातारात जुस खुवाइएको बताए । डा. कार्कीले निजीको सिट वृद्धि नगर्ने कुरा सरकारले आफूहरुसँग गरेको पूर्व सहमति विपरित भएको दावी गरे ।
विस्तृत सुन्नुहोस् भिडियोमा
