कर्णालीमा थपिए १८ जना कोरोना संक्रमित

सुर्खेत– कर्णाली प्रदेशमा मंगलबार १८ जनामा कोरोना भाइरसको संक्रमण पुष्टि भएको छ । पछिल्लो २४ घन्टामा प्रदेश अस्पताल पशुपंक्षी रोग अन्वेषण प्रयोगशाला सुर्खेतमा ११ जना, कर्णाली स्वास्थ्य विज्ञान प्रतिष्ठान जुम्लामा ६ जना र दैलेख अस्पतालमा गरिएको परीक्षणमा १ जनामा कोरोना भाइरसको संक्रमण पुष्टि भएको कर्णाली प्रदेश सामाजिक विकास मन्त्रालय स्वास्थ्य सेवा महाशाखा सुर्खेतले जनाएको छ ।

यसैगरि, आजै कोरोना संक्रमणबाट निको भइ १५ जना घर फर्किएका छन् । कर्णाली प्रदेशमा सक्रिय कोरोना संक्रमितको संख्या ३ सय छ । यो सँगै कर्णाली प्रदेशमा कुल संक्रमितको संख्या २ हजार ३ सय १३ पुगेको छ ।