सर्वोच्च अदालतको अन्तरिम आदेशपछि पीजीको कमन इन्ट्रान्स स्थगित

काठमाडौं– चिकित्सा शिक्षा आयोगले सर्वोच्च अदालतको अन्तरिम आदेशपछि पीजीको कमन इन्ट्रान्स परीक्षा स्थगित गरेको छ । बिहिबार आयोगको कमन इन्ट्रान्स परीक्षा समितिका सदस्य–सचिव दुर्गा कँडेलले सर्वाेच्चको अन्तरिम आदेशपछि परीक्षा अनिश्चितकालका लागि स्थगित भएको जानकारी दिए ।

यसअघि आयोगले असोेज २७, २८ र २९ गते पीजीको कमन इन्ट्रान्स परीक्षाको मिति तय गरेको थियो ।

बिहिबार सर्वोच्चले पीजीमा आरक्षणको माग गर्दै डा. विनयकुमार पन्जियारसहितले दायर गरेको रिटमा सुनुवाइ गर्दै तत्काल पीजीको कमन इन्ट्रान्स नगर्न आयोगका नाममा अन्तरिम आदेश दिएको हो । सर्वोच्चले आफूहरुलाई २५ असोजमा छलफलका लागि बोलाएको डा. पन्जियारले बताए ।