सबै स्थानीय तहले कोभिड-१९ को उपचारका लागि अस्पतालसँग सम्झौता गर्नुपर्ने

काठमाडौं-सबै स्थानीय तहले कोभिड-१९ संक्रमितको उपचारका लागि अस्पतालसँग सम्झौता गर्नुपर्ने भएको छ । कोेभिड-१९ का बिरामीहरुको उपचारमा लागेको खर्च भने केन्द्र सरकारले ब्यवहोर्ने छ ।

स्वास्थ्य मन्त्रालयको नीति, योजना तथा अनुगमन महाशाखाका प्रमुख डा. गुणराज लोहनीले सबै स्थानीय तहलाई पत्र लेखेर अस्पतालसँग सम्झौता गरी सो को विवरण स्वास्थ्य आपत्तकालीन केन्द्र (एचईओसी)मा पठाउन भनेका छन् ।

स्थानीय तहहरुले सम्झौता गरेका अस्पतालले मासिक मन्त्रालयमा कोभिड-१९ का बिरामी रिपोर्ट बुझाउनुपर्नेछ ।