काठमाडौं उपत्यकामा १ साताका लागि निषेधाज्ञा थपियो, थप कडाइ गरिने

काठमाडौं– काठमाडौं उपत्यकामा पुनः एक साताका लागि निषेधाज्ञा थपिएको छ। मंगलबार काठमाडौं, ललितपुर र भक्तपुरका प्रमुख जिल्ला अधिकारीहरुको  बसेको बैठकले १ साताको लागि पुन: निषेधाज्ञा थप्ने निर्णय गरेको हो।

कोभिड-१९ नियन्त्रण तथा रोकथामका लागि सरकारले १६ वैशाख देखि उपत्यकामा निषेधाज्ञा लागू गरेको थियो। अबको निषेधाज्ञाको अवधि भने बढाएर २० जेठसम्म पुर्‍याइएको छ ।

बैठकका अनुसार अबको एकसाताको निषेधाज्ञा थप कडा बनाइएको छ । बिहान ९ बजेसम्म दुध, मासु, तरकारी, फलफुल पसल खोल्न पाइने तर डिपार्टमेन्ट स्टोर भने खोल्न पाइने छैन ।

यस्तै, बैंक तथा वित्तीयसंस्थाका सवारीसाधनमा पनि कडाइ गरिएको छ ।