माओवादी नेता पुनलाई उपचारका लागि चीनको थर्ड पिपुल्स हस्पिटल लगियो

काठमाडौं—नेकपा माओवादी केन्द्रका नेता वर्षमान पुनलाई थप उपचारका लागि चीन लगिएको छ । विगत डेढ महिनादेखि थाइल्याण्डको समितिभेज अस्पतालमा उपचाररत पुनलाई चीनको सेन्जेनस्थित थर्ड पिपुल्स हस्पितलमा लगिएको हो ।

पुन केही समयदेखि जटिल प्रकारको जण्डिसको समस्या भोगिरहेका छन् । पूर्व अर्थ तथा उर्जामन्त्री समेत रहेका पुनसँगै उनकी श्रीमती ओनसरी घर्ति र छोरी शीला पनि बैककबाट चीन गएका छन् ।

समितिभेज अस्पतालमा उपचाररत पुनको स्वास्थ्य सुधार नदेखिएपछि उनलाई त्यहाँका चिकित्सकहरुको सल्लाहमा चीनको थर्ड पिपुल्स हस्पिटल लगिएको हो ।