आईसीयुमा ७७ जना र भेन्टिलेटरमा २१ जना कोभिड-१९ संक्रमित

काठमाडौं-नेपालमा कोभिड-१९ को संक्रमण दर ओरालो लागेसँगै आईसीयु र भेन्टिलेटरमा रहेका बिरामीको चाप पनि क्रमसः घटन थालेको छ । स्वास्थ्य तथा जनसंख्या मन्त्रालयको शुक्रबार तथ्यांकअनुसार आईसीयु र भेन्टिलेटरमा रहने संक्रमितको संख्या सयभन्दा तल छ ।

भेलिन्टलेटरमा उपचार गराइरहेको कोभिड-१९ संक्रमितहरुको संख्या २१ जनामा झरेको छ । जसमध्ये सबैभन्दा बढी बागमती प्रदेशमा १३ जना गम्भीर कोभिड संक्रमितको भेन्टिलेटरमा उपचार भइरहेको छ । यस्तै, प्रदेश नं. १ मा ६ जना, लुम्बिनी प्रदेशमा १ जना र सुदूरपश्चिम प्रदेशमा १ जना संक्रमितको भेन्टिलेटरमा उपचार जारी छ ।

आईसीयुमा ७७ जना कोभिड-१९ संक्रमित उपचाररत रहेकामा सबैभन्दा बढी बागमती प्रदेशमा ४५ जना र प्रदेश नं. १ मा १७ जनाको आईसीयुमा उपचार जारी छ । यस्तै, लुम्बिनी प्रदेशमा ९ जना, प्रदेश नं. २, गण्डकी र सुदूरपश्चिम प्रदेशमा २/२ जना संक्रमितको आईसीयुमा उपचार जारी रहेको छ ।