प्रधानमन्त्री ओलीको दोस्रो डायलाइसिस सम्पन्न, आज डिस्चार्ज हुँदै

काठमाडौं–स्वास्थ्यमा समस्या आएपछि बुधबार धापासीको ग्राण्डी अस्पतालमा भर्ना भएका प्रधानमन्त्री तथा नेकपाका अध्यक्ष केपी शर्मा ओलीको आज दोस्रो पटक डायलाइसिससम्पन्न भएको छ ।

प्रधानमन्त्रीलाई बिहीबार ग्राण्डी अस्पताल भेट्न पुगेका नेकपाका अर्का अध्यक्ष पुष्पकमल दाहाल प्रचण्डले सो जानाकारी दिएका हुन् ।
प्रधामन्त्रीको दोस्रो पटक डायलाइसिस भएको र उनी अहिले आराम गरिरहेको प्रचण्डले बताए । प्रधानमन्त्रीको नियमित डायलाइसिस गर्नु पर्छ /पर्दैन भन्ने बारेमा अहिले निक्यौल भइसकेको छैन ।

प्रधानमन्त्री ओलीको रगतमा हानिकारक तत्त्व क्रियटाइनको मात्रा अत्याधिक पाइएपछि बुधबार दिउँसो नै पहिलो डायलाइसिस गरिएको थियो । प्रधानमन्त्रीलाई आजै डिस्चार्ज गर्ने तयारी भएको जनाइएको छ ।