कान्तिकी प्रमुख अस्पताल नर्सिङ्ग प्रशासक तुइतुईलाई निजामती सेवा पुरस्कार

काठमाडौं—कान्ति बाल अस्पताल महाराजगन्जकी प्रमुख अस्पताल नर्सिङ प्रशासक सह— प्राध्यापक रोशनी लक्ष्मी तुइतुईलाई यस वर्षको निजामती सेवा पुरस्कार दिइने भएको छ ।

निजामती सेवा दिवसको अवसरमा दिइने सो पुरस्कार लागि तुइतुईसहित अन्य ८ जना कर्मचारी छानिएका छन् ।

स्वास्थ्यतर्फबाट तुइतुई परेकी हुन् । निजामती सेवा दिवसकै अवसरमा थप ४० जना कर्मचारी उत्कृष्ट निजामती कर्मचारी छानिएका छन् ।
निजामती सेवा ऐन आएको भदौं २२ मा निजामती सेवा दिवस मनाइने गरिन्छ ।