नेपालगन्ज मेडिकल कलेज व्यवस्थापन र आन्दोलनरत कर्मचारीबीच काठमाडौंमा वार्ता हुँदै

नेपालगन्ज—नेपालगन्ज मेडिकल कलेज व्यवस्थापन र आन्दोलनरत कर्मचारीबीच काठमाडौंमा वार्ता हुँदैंछ । बुधबार श्रम तथा ब्यवसायजन्य सुरक्षा विभाग मीनभवनमा वार्ताका हुन लागेको कर्मचारी आन्दोलन समितिकी संयोजक रत्ना गिरीले बताइन ।

श्रम रोजगार तथा सामाजिक सुरक्षा मन्त्रालयको श्रम तथा व्यवसायजन्य सुरक्षा विभाग, नेपालगन्ज मेडिकल कलेजको ब्यवस्थापन र आन्दोलनरत कर्मचारी संघ, संगठन र युनियनका वार्ता टोलीबीच वार्ताका हुन लागेको हो ।

हालसम्म भएका वार्तामा भएका सहमतिका बुँदा र सहमति हुन बाँकी भएका बुँदासहित २३ पुसमा विभागमा अनिवार्य उपस्थित हुन दुवै पक्षलाई आग्रह गरेको थियो ।

प्रतिकुल मौसमका कारण ब्यबस्थापन पक्षका प्रतिनिधि ढिलो पुगेपछि मंगलबारलाई तय भएको वार्ता बुधबार हुन लागेको हो ।