माट्रिका आइ सेन्टरले मनायो विश्व दृष्टि विशेषज्ञ दिवस

काठमाडौं । पुरानोबानेश्वरस्थित माट्रिका आइ सेन्टरले विश्व दृष्टि विशेषज्ञ दिवस मनाएको छ । सेन्टरले नेपाल दृष्टि विशेषज्ञ संघसँगको सहकार्यमा आइतबार एक कार्यक्रम गरी दिवस मनाएको हो ।

दिवसका अवसरमा आँखा स्वास्थ्यसम्बन्धि विभिन्न पर्चा पम्लेटसहित प्रभात फेरीसमेत गरिएको थियो । माट्रिका आइ सेन्टरको कार्यालय पुरानोबानेश्वरबाट सुरु भएको फेरि गौशाला, रोतोपुल, मैतिदेवी हुँदै पुनः सेन्टरको कार्यालयमा आएर कोण सभामा परिणत भएको थियो ।

कार्यक्रममा नेपालका आँखा रोग विशेषज्ञ चिकित्सकहरुको बाक्लो उपस्थिति रहेको थियो । कार्यक्रममा बोल्दै नेपालका पहिलो रेफ्रयाक्टिभ सर्जन डा. किशोरराज प्रधानले नेपालमा आँखा स्वास्थ्यको वर्तमान अवस्थाका बारेमा प्रष्ट पारेका थिए । यो कार्यक्रमलाई वरिष्ठ दृष्टि विशेषज्ञ कृष्णकुमार धनखोटीले गरेका थिए ।

“Eyes to the Future: Optometry Improving Global Wellness” नाराका साथ मनाइएको यो दिवस साताव्यापी रुपमा मनाइने जनाइएको छ ।