स्वास्थ्यको नयाँ दरबन्दी सच्चाउन डेन्टल एशोसिएसनको माग

काठमाडौं—नेपाल डेन्टल एशोसिएसनले स्वास्थ्य तथा जनसंख्या मन्त्रालयको प्रस्तावित नयाँ दरबन्दी सच्चाउन माग गरेको छ । मन्त्रालय र मातहतका निकायको नयाँ संगठन तथा व्यवस्थापन सर्वेक्षण (ओएनएम)मा डेन्टल स्वास्थ्यका ४ विषय नसमेटिएको भन्दैं एशोसिएसनले उक्त प्रस्तावित दरबन्दी सच्चाउन माग गरेको हो ।

एशोसिएसनका पदाधिकारीहरुले स्वास्थ्य सचिव डा. विकास देवकोटालाई भेटेर ध्यानाकर्षण पत्र बुझाएको छ ।

एशोसिएसनका महासचिव डा. प्रदीप भण्डारीको हस्ताक्षर रहेको ध्यानाकर्षणपत्रमा दरबन्दीमा डेन्टल हेल्थका ओरल मेडिसिन, ओरल प्याथोलोजी, पेडोडोनेटिक्स, पब्लिक हेल्थ डेन्टेष्टीलाई नसमेटिएको र डेन्टल सर्जनको एकदमै न्यून दरबन्दी रहेको भन्दैं तत्काल सच्चाउन माग गरिएको छ ।