एमबीबीएसमा पहिलो पटक पूर्वाञ्चल र मदन भण्डारीलाई ५०/५० सिट

काठमाडौं-पूर्वाञ्चल विश्वविद्यालय मेडिकल कलेज र मदन भण्डारी स्वास्थ्य विज्ञान प्रतिष्ठानले पहिलो पटक एमबीबीएस पढाउनका लागि सिट पाएका छन् ।

बिहीबार बसेको चिकित्सा शिक्षा आयोगको २१ औं बैठकले पूर्वाञ्चल विश्वविद्यालयको मेडिकल कलेज र मदन भण्डारी स्वास्थ्य विज्ञान प्रतिष्ठानलाई एमबीबीएस पढाउनका लागि ५०/५० सिट निर्धारण गरेको हो ।

मदन भण्डारीले यसअघि एमडी एमएस अध्ययापन गराउँदैं आएको छ । पूर्वाञ्चल विश्वविद्यालयको मेडिकल कलेजले भने पहिलो पटक चिकित्सा शिक्षाको डाक्टरीतर्फको कार्यक्रम अध्यापन गराउन लागेको हो ।

चिकित्सा शिक्षाको सिट निर्धारण भएको बताइएपनि आयोगले भने निर्णय सार्वजनिक गरिसकेको छैन ।