निर्वाचनमा २०, २१ र २२ फागुनमा विदा दिने सरकारको निर्णय

काठमाडौं— २१ फागुनमा हुने निर्वाचनका लागि २०, २१ र २२ फागुनमा सार्वजनिक विदा दिने निर्णय सरकारले गरेको छ ।

मंगलबार बसेको मन्त्रिपरिषद् बैठकले निर्वाचन आयोगले गरेको सिफारिसअनुसार २०, २१ र २२ फागुनमा तीन दिन विदा दिने निर्णय गरेको हो ।

यसअघि आइतबार सरकारलाई पत्र लेख्दैं निर्वाचन आयोगले निर्वाचनमा उत्साहमूलक सहभागिताका लागि तीन दिन सार्वजनिक विदा दिन सिफारिस गरेको थियो ।

सोही सिफारिसका आधारमा मन्त्रिपरिषद्ले औपचारिक निर्णय गरेको हो ।