पूर्व प्रधानमन्त्री शेरबहादुर देउवा उपचारका लागि सिंगापुर प्रस्थान

काठमाडौं—पूर्व प्रधानमन्त्री शेरबहादुर देउवा उपचारका लागि सिंगापुर प्रस्थान गरेका छन् । बुधबार राति देउवा सिंगापुर एअरलाइन्सको उडान नम्बर एसक्यु ४४१ मा सिंगापुर गएका हुन् ।

देउवासँगै उनका सहयोगी भानु देउवा पनि सिंगापुर गएका छन् । २१ फागुनमा हुन लागेको निर्वाचनको पूर्वसन्ध्यामा देउवा उपचारका लागि सिंगापुर प्रस्थान गरेका हुन् । यससँगै देउवा आगामी निर्वाचनमा मतदान गर्ने/नगर्ने भन्नेमा पनि अन्योल सिर्जना भएको छ ।

नेपाली कांग्रेसका पूर्व सभापतिसमेत रहेको देउवालाई सभापति गगन थापाले विशेष महाधिवेशनबाट अपदस्थ गरेका थिए । त्यसयता देउवा राजनीतिमा सक्रिय देखिएका छैनन् ।