निःशुल्क वितरण गरिने औषधि स्वदेशमै उत्पादन गर्नेबारे छलफल

काठमाडौं—स्वास्थ्य तथा जनसंख्या मन्त्रालयमा आधारभूत स्वास्थ्य सेवाअन्तर्गत निःशुल्क वितरण गरिने औषधि स्वदेशमै उत्पादन गर्ने सम्भाव्यताका विषयमा छलफल भएको छ । १९ चैतमा स्वास्थ्य तथा जनसंख्या एवं खानेपानीमन्त्री निशा महेताको उपस्थितीमा विस्तृत छलफल भएको हो ।

‘स्वास्थ्य सेवामा स्वदेशी उत्पादनलाई प्रवर्द्धन गर्दै आत्मनिर्भरता हासिल गर्ने दिशामा यस बैठकलाई एक महत्वपूर्ण पहलका रूपमा लिइएको छ,’ छलफलबारे मन्त्रालयले भनेको छ । बैठकमा नेपालमै गुणस्तरीय औषधिको उत्पादन छलफल भएको मन्त्रालयले जनाएको छ ।

नेपालमै औषधि उत्पादनलाई प्राथमिकता दिने उद्देश्यका साथ गरिएको उक्त छलफmलमा नेपाल औषधि लिमिटेड, सिंहदरबार वैद्यखाना विकास समिति र औषधि व्यवस्था विभाग प्रतिनिधिहरुको उपस्थिती रहेको थियो ।