विवादका कारण तोकिएको ९ घण्टा पछि मतगणना शुरु हुँदै

काठमाडौं – नेपाल चिकित्सक संघको मतदान गणना शुरु हुँदैछ। बुधबार विहान ८ बजे शुरु गर्ने भनिएता पनि लोकतान्त्रिक चिकित्सक समुह र पेशागत चिकित्सक समुहबीच मतदान केन्द्रलाई लिएर विवादका कारण हुनसकेको मतदान गणना तोकिएको ९ घण्टा पछि शुरु हुने सहमति भएको हो।

कति बुथ राख्ने, कति मतदान केन्द्र राख्ने र राखिएको मतदान केन्द्रमा सिसिटिभी फिट गर्ने वा नगर्ने भन्ने विषयको दुई पक्षबीच निष्कर्ष आउँन नसक्दा मतगणनामा ढिलाई भएको थियो। अहिले छलफल पछि भने ३ मतदान केन्द्र बनाई गणना गरिन लागिएको हो। यसको साथै मत गणनाको बीचमा नरोकिने सहमति समेत् गरिएको छ।

चिकित्सक संघको चुनाव उपत्यका बाहिर माघ ४ र ५ गते भएको थियो भने उपत्यकामा माघ १७ गते देखि चुनाव शुरु भएको हो।