नेपाल स्वयंसेवी रक्तदाता समाजद्वारा रक्तदान गर्न आग्रह

काठमाडौं—डेङ्गुको संक्रमण तीब्र रुपमा फैलिएसँगै अस्पतालमा बिरामीहरुको चाप बढेको छ । डेङगुबाट संक्रमित बिरामीहरुलाई अत्याधिक मात्रामा रगतबाट तयार पारिएको रक्त तत्वहरुमध्ये पिआरपीको माग बढिरहेको छ ।

उक्त माग पूर्ति गर्नका लागि नेपाल स्वयंसेवी रक्तादाता समाजले रक्तदान कार्यक्रम आयोजना गर्न आग्रह गरेको छ ।

‘यो रोगको उपचारका क्रममा माग गरिने रक्त तत्वहरुको आपूर्तिमा सहज र सरलता मिल्नका लागि आम स्वयंमसेवी रक्तदाताहरुमा रक्तदान गरिदिनुहुन र रक्तदान कार्यक्रमको आयोजक संघसंस्थाहरुलाई रक्तदान कार्यक्रम आयोजना गरिदिनु हुन नेपाल स्वयंसेवी रक्तदाता समाज हार्दिक अनुरोध गर्दछ,’ स्वयंसेवी रक्तदाता समाजका केन्द्रीय अध्यक्ष प्रेमसागर कर्माचार्यद्वारा जारी विज्ञप्तिमा भनिएको छ ।