पशुपति चौलागाईको नाममा अस्पताल

दोलखा – दोलखाको सदरमुकाम चरिकोटस्थित अस्पतालको नाम परिवर्तन गरिएको छ ।

शुक्रबारबाट बागमती प्रदेशस्तरीय अस्पतालको रुपमा रहेको चरिकोट अस्पतालको नाम परिवर्तन गरेर पशुपति चौलागाई स्मृति अस्पताल राखिएको हो ।

 बागमती प्रदेश सरकारले यसअघिनै नाम परिवर्तनबारे निर्णय गरे तापनि कार्यान्वयनमा ल्याएको थिएन ।

अस्पतालका सूचना अधिकारी शान्ति प्रसाद न्यौपानेका अनुसार बागमती प्रदेशको फागुन १६ गतेको पत्र अनुसार चरिकोट अस्पतालको नयाँ नाम पशुपति चौलागाईँ स्मृति अस्पताल राखिएको हो ।

सांसद चौलागाईको कोभिड-१९ संक्रमणका कारण गत वैशाख २८ गते उपचारका क्रममा काठमाडौँको मनमोहन मेमोरियल अस्पतालमा निधन भएको थियो ।