काठमाडौं—विपी कोइराला स्वास्थ्य विज्ञान प्रतिष्ठानले अर्थोपेडिक्स विभागलाई तीन वटा युनिटमा विभाजन गरेको हो । अर्थोपेडिक्स विभागले प्रदान गर्दै आएका सेवालाई परिस्कृत र समूहगत रुपमा सेवा प्रदान गर्न विभागमा तीन युनिट खडा गरिएको प्रतिष्ठानकी प्रवक्ता प्रा.डा. अन्जु प्रधानले जानकारी दिइन् ।
विपीले अर्थोपेडिक्स विभागअन्तर्गत स्पाइन, स्पोर्टस मेडिसिन एण्ड रिकन्स्ट्रक्सन र जनरल एण्ड कम्प्लेक्टस लिम्ब रिकन्ट्रक्सन युनिटमार्फत सेवा प्रवाह गर्न लागेको हो । स्पाइन युनिटअन्तर्गत आइतबार र बुधबार प्रा.डा. गुरुप्रसाद खनाल, प्रा.डा. राजु रिजाल, डा. प्रमोद बराल र डा. दिपेन्द्र मिश्रले सेवा दिने प्रतिष्ठानले जनाएको छ ।
यसैगरी, स्पोर्टस मेडिसिन एण्ड रिकन्स्ट्रक्सनअन्तर्गत सोमबार र बिहीबार प्रा.डा. राजीव महर्जन, डा. विष्णु पोखरेल, डा. अमित विक्रम शाह र डा. आशिषकुमार पाण्डेले जनरल ओपीडी र पेइङ सेवा दिनेछन् ।
जनरल एण्ड कम्प्लेक्टस लिम्ब रिकन्ट्रक्सन युनिटमा मंगलबार र शुक्रबार डा. अमित लिम्बु, डा. जितेन्द्र शाह र डा. यामबहादुर गुरुङले जनरल ओपीडी र पेइङ सेवा दिनेछन् ।
