पत्रकार दिनेश सिटौलाको सबअरेनहाइड हेमोरेजका कारण मृत्युः ग्राण्डी अस्पताल

काठमाडाैं- रास्वपाका वरिष्ठ नेता बालेन्द्र साहको चुनावी प्रचारमा गएका वेला बेहोस भएका पत्रकार दिनेश सिटौलाको निधन भएको छ । काठमाडौ स्थित ग्राण्डी अन्तराष्ट्रिय अस्पतालले आइतवार १२ः४५ मा उनको मृत्यु भएको घोषणा गरेको हो ।
अस्पतालले सिटौलालाई सबअरेनहाइड हेमोरेज भएको र सो को उपचार पद्धती अनुसार क्रिटिकल केयर र न्यूरो सर्जरी टिमले उपचार गरेको उल्लेख गरेको छ ।

सिटौला अस्पताल ल्याइनु अघि नै अछाममा श्वासप्रश्वास बन्द भएर ४५ मिनेट सिपिआर(काडियो पल्मोनरी रेसिस्टेसन) दिएर मुटुको चाल पुन फर्काइएको त्यस अवधीमा ज्वरो आएको उल्लेख छ ।

त्यसको व्यवस्थापन गरी नेपाली सेनाको जहाजबाट काठमाडौ ल्याइएको उल्लेख छ ।

काठमाडौ ल्याएर आइसीयुमा उपचार गरीएको र त्यस समयमा पनि मधुमेह बढेको त्यसलाई नियन्त्रण गरीएको तर जटिल समस्या भएका कारण ४८ घण्टा उच्च निगरानी गर्दा पनि मस्तिस्क कार्यक्षमतामा पुन प्राप्तीको संकेत नदेखिएको अस्पतालले जारी गरेको विज्ञप्तीमा उल्लेख छ ।