स्वास्थ्य राज्यमन्त्री भवानी खापुङले गरे पदभार ग्रहण, यस्तो छ पहिलो निर्णय

काठमाडौं-नवनियुक्त स्वास्थ्य तथा जनसंख्या राज्यमन्त्री भवानी खापुङले पदभार ग्रहण गरेका छन् । शुक्रबार साँझ सपथलगतै रामशाहपथस्थित स्वास्थ्य मन्त्रालय पुगेर उनले पदभार ग्रहण गरेका हुन् ।

सो क्रममा राज्यमन्त्री खापुङले पहिलो निर्णयका रुपमा लैङ्गिक समानता तथ सामाजिक समावेसीकरण सम्बन्धि रणनीति मस्यौदा मन्त्रिपरिषद पठाउने सिफारिस गरेका छन् ।

नेकपा एसका नेता संघीय प्रतिनिधिसभामा तेह्रथुमबाट भवानी खापुङ निर्वाचित भएका थिए। एमालेमा उनी केन्द्रीय अनुशासन आयोगको सदस्य पनि रहेका थिए ।

पूर्वशिक्षक रहेका उनी शिक्षण पेशाबाट राजीनामा दिएर राजनीतिमा लागेका हुन् ।