शंकर देव क्याम्पसको पूर्व विद्यार्थी संघद्वारा वीर अस्पताललाई स्वास्थ्य उपकरण सहयोग

काठमाडौँ – शंकर देव क्याम्पसको पूर्व विद्यार्थी संघले वीर अस्पताललाई ब्लड ग्यास एनलाइजर उपकरण हस्तान्तरण गरेको छ। कोभिड बिरामीको उपचारमा थप सहज होस् भन्ने उद्देश्यले मंगलबार संघले २ वटा ब्लड ग्यास एनलाइजर अस्पताललाई  हस्तान्तरण गरेको हो ।

विद्यार्थी संघका अध्यक्ष राजिव कुमार थापाले सो उपकरण अस्पताल पुगेर हस्तान्तरण गरेका हुन्।

स्वास्थ्य उपकरण हस्तान्तरणपछि बोल्दै संगठनका अध्यक्ष थापाले ब्लड ग्यास एनलाइजरले कोभिड-१९का बिरामी र अस्पतालका अन्य गम्भीर बिरामीको जीवन बचाउने बताए।