अष्ट्रेलियामा दुईजनामा देखियो ओमिक्रोन भेरियन्ट

काठमाडौं – कोभिड-१९को ओमिक्रोन भेरियन्ट अष्ट्रेलियामा पनि देखिएको छ । दक्षिण अफ्रिकाबाट सिड्नी पुगेका दुई यात्रुमा सो भेरियन्ट पुष्टि भएको हो ।

उनीहरु दक्षिण अफ्रिकाबाट कतार एयरवेजको विमानमा दोहा हुँदै शनिवार सिड्नी विमानस्लमा उत्रिएका थिए । उडानमा दक्षिण अफ्रिकाबाटै आएका १४ यात्रुमध्ये दुई जनामा पुष्टि भएको हो।

संक्रमित दुबै जनाले पूर्ण खोप लगाएको जनाइएको छ । हाल सबैलाई क्वारेन्टिनमा राखिएको छ। विमानमा सवार २६० यात्रु र चालक दलका सदस्यहरुलाई आइसोलेसनमा बस्न निर्देशन दिइएको छ ।

-एजेन्सी