डाक्टर मिश्रालाई स्वास्थ्य प्रवक्ताको थप जिम्मेवारी

काठमाडौं–स्वास्थ्य तथा जनसंख्या मन्त्रालयको प्रवक्ताको जिम्मेवारी मन्त्रायको समन्वय महाशाखा प्रमुख डा. संगीता मिश्रालाई दिइएको छ ।

तीन हप्ताअघि परोपकार प्रसुती गृह थापाथलीबाट समन्वय महाशाखाको प्रमुखमा ल्याइएकी मिश्रालाई मन्त्रीस्तरीय निर्णय गर्दै प्रवक्ताको थप जिम्मेवारी दिइएको स्वास्थ्य सचिव डा. रोशन पोखरेलले जानकारी दिए ।

मन्त्रालयको समन्वय महाशाखा प्रमुखलाई नै प्रवक्ताको जिम्मेवारी दिने प्रचलन रहेतापनि हृदेयस त्रिपाठी स्वास्थ्यमन्त्री भएका बखत तत्कालीन प्रवक्ता डा. जागेश्वर गौतम युनिफाइड केन्द्रिय अस्पतालको प्रमुख प्रशासकीय अधिकृत भएर गएपछि खाली भएको सो कामको इपिडिमियोलोजी तथा रोग नियन्त्रण महाशाखा प्रमुख डा. कृष्ण पौडेललाई जिम्मेवारी दिइएको थियो ।

डा. पौडेलले सामाजिक संजालबाट आफू प्रवक्ता हुँदा सबैतिरबाट पाएको सहयोगका लागि धन्यवाद दिदैं अब इडिसिडिको प्रमुखको जिम्मेवारीमा रहेर भूमिका निर्वाह गर्ने उल्लेख गरेका छन् ।