ओमिक्रोनको जोखिमका कारण ‘फर्मा एक्स्पो २०२२’ सर्‍यो

काठमाडौँ – कोभिड-१९को नयाँ भेरियन्ट ओमिक्रोन फैलिने जोखिमलाई मध्यनजर गर्दै फाल्गुणमा हुने भनिएको ‘नेपाल फर्मा एक्स्पो २०२२’ कार्यक्रमको मिति सारिएको छ।

नेपाल औषधी उत्पादक संघको आयोजक समितिले सूचना जारी गरी संक्रमण फैलने खतरा बढेको जनाउँदै कार्यक्रमको मिति सारेको जनाएको हो।

समितिका प्रमुख संयोजक जी नारायण बी क्षेत्रीकाअनुसार फाल्गुणका लागि तय भएको उक्त कार्यक्रमको मिति सारेर ९ र १०  वैशाखको लागि तय गरिएको छ। नयाँ प्रजातिले विश्वव्यापी रुपमा प्रभावित पारेको हुँदा दुईमहिना पछि कार्यक्रमको मिति राखिएको आयोजक समितिले जनाएको छ।