करारका स्वास्थ्यकर्मीको म्याद थप्न र रिक्त पदमा जनशक्ति व्यवस्थापन गर्न मन्त्रालयको निर्देशन

काठमाडौँ – स्वास्थ्य तथा जनसंख्या मन्त्रालयले कोभिड-१९को संक्रमण नेपालमा पनि बढिरहेको भन्दै स्वीकृत दरवन्दी अनुसार कुनै पद रिक्त भए तत्काल व्यवस्थापन गर्न शिक्षण अस्पताल, अस्पताल र प्रयोगशालाहरुलाई निर्देशन दिएको छ ।

बिहिबार मन्त्रालयले प्रेस विज्ञप्ति जारी गर्दै कोभिड रोकथाम नियन्त्रण तथा उपचार गर्न स्वीकृत दरबन्दी अनुसार कुनै पद रिक्त भएमा तत्काल जनशक्ती व्यवस्थापन गर्न निर्देशन दिएको हो ।

यस्तै, २९ पुषको सचिवस्तरको बैठकको निर्णयानुसार करारमा भर्ना भएका स्वास्थ्यकर्मी र कर्मचारीहरुको करार अवधि आवश्यकता अनुसार २०७८ माघ महिना देखि बढीमा ३ महिनासम्म थप्न सकिने समेत् मन्त्रालयले जनाएको छ।