चिकित्सा शिक्षा आयोगका उपाध्यक्ष प्रा.डा. श्रीकृष्ण गिरीको गाडीमा ढुंगा प्रहार

काठमाडौं—चिकित्सा शिक्षा आयोगका उपाध्यक्ष प्रा.डा. श्रीकृष्ण गिरीको गाडीमा अज्ञात व्यक्तिहरुले ढुंगा प्रहार गरेका छन् । बिहीबार विहान निवासबाट कार्यलय जाने क्रममा एयरपोर्ट पछाडिको उकालोमा डा. गिरी चढेको गाडीमा ढुंगा प्रहार भएको हो ।

जसबाट उनी चढेको मोटरमा क्षति भएको छ । ‘विहान ११ बजेको समयमा उहाँ सवार भएको सरकारी मोटरमा ढुंगा प्रहार गरी जिउज्यानमाथि भौतिक आक्रमणको प्रयास हुनुका साथै मोटरमा व्यापक क्षति पुगेको घटनाले आयोगको गम्भीर ध्यानाकर्षण भएको छ,’ आयोगका सदस्यसचिव डा. भोजराज शर्मा काफ्ले जारी गरेको विज्ञप्तिमा भनिएको छ ।

साथै, आयोगले चिकित्सा शिक्षा ऐन र नियमावलीको प्रावधानमा रहेर निष्पक्ष र निष्ठापूर्वक सेवा प्रवाह गरिरहेको अवस्थामा भएको जघन्य घटनाको भत्र्सना गरेको छ । आयोगले उक्त कार्यमा संलग्न व्यक्ति तथा समूहमाथि कडा कारवाहीको माग गरेको छ ।