डा. भिमसिंह तिकंरीको कलेजो प्रत्यारोपण सफल

काठमाडौं—स्वास्थ्य मन्त्रालयका अवकासप्राप्त प्रमुख विशेषज्ञ डा. भिमसिंह तिंकरीको कलेजो प्रत्यारोपण सफल भएको छ । उनले भारतको नयाँदिल्लीस्थित म्याक्स हस्पिटलमा कलेजो प्रत्यारोपण गरेका हुन् ।

डा. तिंकरीको प्रत्यारोपणमा म्याक्स अस्पतालका कलेजो प्रत्यारोपण प्रमुख डा. सुवास गुप्तासहितको टोली संलग्न रहेको थियो ।

केही वर्षदेखि कलेजोको समस्या भोगिरहेका डा. तिंकरीलाई उनका छोरा देवाशिष तिंकरीले कलेजो दिएका हुन् ।

उनले आफ्नो फेसबुकमा कलेजो प्रत्यारोपण सफल भएको र त्यसमा सहयोग गर्ने सबैलाई धन्यवाद दिएका छन् ।

उनलाई त्रिवि शिक्षण अस्पतालका कलेजो प्रत्यारोपण सर्जन डा. रमेशसिंह भण्डारीले कलेजो प्रत्यारोपण गर्नुपर्ने सल्लाह दिएका थिए ।