७० प्रतिशतलाई पूर्ण खोप लगाउन सफल भएकोमा नेपाललाई डब्लुएचओले दियो बधाई

काठमाडौँ – विश्व स्वास्थ्य संगठन नेपालले १८ वर्षमाथिका उमेर समूहले ७० प्रतिशत कोभिड-१९ विरुद्ध खोप लगाउन सफल भएको भन्दै नेपाललाई बधाई दिएको छ । संगठनले कोभिड-१९ विरुद्धको खोप अभियानमा कोशेढुङ्गा पार गरेको भन्दै संगठनले बधाई दिएको हो ।

डब्ल्युएचओ नेपालले ट्वीटरमार्फत बधाई दिँदै भनेको छ, ‘७० प्रतिशत जनसङ्ख्यालाई कोभिड-१९ विरुद्ध पूर्ण खोप लगाउन सफल भएकामा बधाई छ नेपाल । यो नेपाल तथा सहयोगी निकायको ठूलो सफलता हो। एकजुट भएर सहकार्य गरे जे पनि सम्भव हुने यसले सावित गरेको छ ।’

हाल नेपालमा १८ वर्षमाथिका १०० प्रतिशत नागरिकलाई पूर्ण खोप लगाइसक्ने लक्ष्यसहित खोप अभियान जारी छ ।