दरबन्दीभन्दा बढी कर्मचारीलाई थप तलब भत्ताको व्यवस्था नगरिने : स्वास्थ्य मन्त्रालय

काठमाडौँ –स्वास्थ्य तथा जनसंख्या मन्त्रालयले दरबन्दीभन्दा बढी कर्मचारीलाई थप तलब भत्ताको व्यवस्था नगरिने जनाएको छ।

मन्त्रालयका शाखा अधिकृत प्रेम कुमार रसायलीले आइतबार सबै प्रदेश तथा स्थानीय तहलाई परिपत्र गर्दै दरबन्दीभन्दा बढी कर्मचारीका लागि थप तलब भत्ताको व्यवस्था नगरिने स्पष्ट पार्दै दरबन्दी यकिन गरेर मात्र रिक्त दरबन्दीमा सहमति दिन अनुरोध गरेकोका छन्।

मन्त्रालयका अनुसार दोहोरो सहमतिअनुसार समायोजन मिलान भएका कर्मचारीलाई केही प्रदेश/स्थानीय तहहरुले दरबन्दी रिक्त नभएका कारण हाजिर गराउन नसकिने भन्दै फिर्ता गर्ने गरेको र केही प्रदेश/स्थानीय तहहरुले स्वीकृत दरबन्दीभन्दा बढी कर्मचारीलाई सहमति दिइ  थप तलबभत्ता समेत माग गरिएको पाइएको छ  ।

‘हाल कर्मचारी समायोजन मिलानसम्बन्धी मापदण्ड २०७७ तथा स्वास्थ्य सेवाका कर्मचारीको समायोजन मिलानसम्बन्धी व्यवस्था २०७७ बमोजिम सम्बन्धित तहहरुको दोहोरो सहमतिका आधारमा मन्त्रालयबाट स्वास्थ्य सेवाका कर्मचारीको समायोजन मिलान हुँदै आइरहेको छ, ‘जारी परिपत्रमा उल्लेख छ।