कोभिड-१९ संक्रमित ३१ जनाको आईसीयु र ६ जनाको भेन्टिलेटरमा उपचार हुँदै

काठमाडौं-कोभिड-१९ को संक्रमण कम हुँदैं गएपछि अस्पतालका आईसीयु र भेन्टिलेटरमा उपचाररत संक्रमितको संख्या घट्दैं गएको छ । स्वास्थ्य तथा जनसंख्या मन्त्रालयकाअनुसार बुधबारसम्म ३१ जनाको आईसीयुमा र ६ जनाको भेन्टिलेटरमा उपचार भइरहेको छ ।

भेन्टिलेटरमा उपचार सबै ६ जनाको बागमतीमा उपचार भइरहेको मन्त्रालयको तथ्यांकमा छ । अन्य प्रदेशहरुमा भने गम्भीर संक्रमित भएर भेन्टिलेटरमा उपचाररत बिरामीको संख्या शुन्यमा झरेको छ ।

आईसीयुमा उपचाररत ३१ जनामध्ये २४ जनाको बागमती प्रदेशका विभिन्न अस्पतालका आईसीयुहरुमा उपचार गराइरहेका छन् । ४ जनाको सुदूरपश्चिम प्रदेशका अस्पतालको आईसीयुमा र ३ जनाको गण्डकी प्रदेशका अस्पतालका आईसीयुमा उपचारर जारी छ ।