२०८३ मंसिर २, बुधवार
Health Aawaj logo
गृहपृष्ठ ∕ कर्णाली प्रदेश ∕ कर्णाली प्रदेश अस्पतालले भित्र्यायो २९ करोड ७१ लाख रुपैयाँको एमआरआई मेसिन

कर्णाली प्रदेश अस्पतालले भित्र्यायो २९ करोड ७१ लाख रुपैयाँको एमआरआई मेसिन


वीरेन्द्रनगर—कर्णाली प्रदेश अस्पताल कालागाउँ सुर्खेतमा एमआरआई मेसिन आइपुगेको छ । विशिष्ट क्षमताको एमआरआई मेसिन जर्मनीबाट ल्याइएको हो ।

विगत १५ महिनाको लामो प्रयासपछि मेसिन ल्याउन सफल भएको अस्पतालका निर्देशक प्रा.डा. डम्बर खड्काले बताए । ‘२९ करोड ७१ लाख रुपैयाँ मूल्य परेको छ,’ उनले भने, ‘६४ स्वतन्त्र च्यालन क्षमताको एमआरआई मेसिन उच्च गुणस्तर रहेको छ ।’

यो उच्च क्षमता भएको दैनिक ३५ देखि ४० जनालाई जाँच गर्न सकिने आर्टिफिसियल इन्टेलिजेन्ससहितको आवाजविहीन एमआरआई मेसिन भएको डा. खड्काले जानकारी दिए ।

मेसिन संचालनमा आउनका लागि भने केही समय लाग्ने उनले जानकारी दिए ‘मेसिन स्थापना गर्न अलि समय लाग्छ,’ उनले भने ।


क्याटेगोरी : कर्णाली प्रदेश, समाचार



तपाईको प्रतिक्रिया दिनुहोस


ट्रेण्डिङ