कर्णालीमा केडिसीको नि:शुल्क स्वास्थ्य शिविर सम्पन्न

काठमाडौँ – कान्तिपुर डेन्टल कलेज टिचिङ हस्पिटल एण्ड रिसर्च सेन्टर (केडिसी)ले कर्णाली प्रदेशमा आयोजना गरेको नि:शुल्क स्वास्थ्य शिविर सम्पन्न भएको छ। गएको सोमबार केडिसीले सुर्खेतको विरेन्द्रनगर नगरपालिका वडा नं १४ स्थित गढी स्वास्थ्य चौकीमा नि:शुल्क आँखा तथा दन्त स्वास्थ्य शिविरको आयोजना गरेको  थियो।

केडिसीले नेतृत्व रहेको सो शिविरमा बीएम टीपीबी फाउन्डेशन आइकेयर सेन्टर, नेपाल रेडक्रस सोसाईटी सुर्खेत आँखा अस्पताल र ग्लोबल आईएमई बैंकले समेत सहकार्य गरेको केडीसीका अध्यक्ष डा. बुद्धिमान श्रेष्ठले जानकारी दिए। उनका अनुसार एक दिने उक्त शिविरमा ३२५ जनाले सेवा लिएका छन्।

शिविरमा एआरटी प्रविधिबाट दाँत भर्ने, दाँत सफा गर्ने, दाँत निकाल्ने देखि आँखाको परीक्षणहरु गरिएको थियो ।